Trauchada II actuala : Tremolat - Sarlat (24)

30/08/11

GR 77

Aude (11)

"La mapa es pas lo territòri"

Alfred Korzybski

       Per tornar a la Retòrta prenguei sus lo VTC a Puegeric, la via anciana de chamin de fer barrada en 1965 e remplaçada per un chamin verd gaire indicat. Arribat sus lo Canau de las doas mars, m'endralhei dau meschent costat ; urosament en passar l'enclausa, veguei qu'anava vers l'estanh de Marselheta, tròp au ponent per tornar trobar la Retòrta.

ladinee1

       Aura tròte sus la broa dau canau en visar los bateus clafits dau toristum que fan l'anar-venir per veire las platanas ben malaudas dau canau.

ph11_puicheric

       A Puegeric, tombe sus una botica de vin dau menerbès e de las corbieras Biò. Tot en achaptar quauquas botelhas, platusse coma lo papet vendaire sus lo biais de cultivar la vinha (esserbatge mecanic, lo mens d'anticussons toxics – nonmas la bulhida bordelèsa,  esfolhatge manuau vertadier, baricas de chassanh echa…). Sus la segonda trauchada veirei las vinhas desfolhadas chimicament e  rondupisadas au pè ; çò-disiá lo papet, qu'una societat canadiana esbolhava daus mòbles vielhs per ne'n far daus esclapons per lo vin. 

A Puegeric, lo cementeri se troba "Charriera de l'egalitat" (rue de l'égalité)… segur ! dos m2 per chadun.

Photo0123-3Après aver trauchat Auda, torne trobar la via ferrada abandonada per anar vers Molt razis l'autostrada, en passar per Sent Coat "Donatz daus uòus ma bona dauna ! mas se son coats, ne'n vòle pas". Fai chalor au mitan dau vinhau e minge quauquas fijas mas las amoras son pas tan bravas, lo sulfatatge benleu. E per grapilhar tanben una remembrança de la meu enfancia provençala emb la culhida d'amenlas sus l'aubre ; son un pauc amaras mas lo gost de la jovença a pas de pretz.

 

bataille26

A Mols sus lo chamin de l'autostrada, es pinquat lo tombeu beu d'un poeta, Henry Bataille, amb un escultura d'esqueleta qu'a tot parier un cuca-sexe de lambeus de peu.

 

Lo salude e passe dejos l'autostrada, per arribar en Corbieras priondas.

 

 

 

 

 

 

 

 

Ivon