01/09/11

GR 77-36

Aude (11)

Dins lo pargue franciman 

Ambe de plumas, ambe de plumas   

Faràn dançar los Occitans 

La borrèia, tu-tu-pan-pan ! 

Jacmelina "La borreia dels Indians"

Quò era una estapa artistica e plasticadoira que lo GR passava sus lo "Chamin esculturau de Meirones". Mas en arribar aquí me rendei rason qu'avia tombat lo meu coteu.

le-old-man-traveller-vieux-voyageur-en-anglais-une_239431_516x343

Miladiu ! mon brave Nontron en buis amb sas decorations araba-initiaticadas a trauchat ma pocha traucada. Tan pieg !

Puei sei arribat dins l'Art Contemporaneu dins un museu naturau un pauc Landart.54060781

 

A l'entrada, sus un afichon, me dison que son pas contents because una degradacion d'òbra – daus poteus pas pro tancats an banlevat.

Quò ben agrabla de visar aquelas esculpturas tot en pujar sus lo suc mas quò es un pauc en defòra de l'istòria dau país (i a tot parier un totem per la reserva d'indians occitans ;).

2

Art inofensiu mas polit a costejar, tot parier.

41613252

Après un arribada lonjassa que serpenteja a "n'i a pro" sus lo ranvers,  davale  vers lo suqueton enjucat per lo chastel de Durfòrt (de la comuna de Vinhavielha).

Mas per tornar a la debuta dau chaminament…

Faguei una bona recòlta de fijas saboras en broa de rota passat Cauneta en Val, dins la Corbièra prionda. Que veniá d'una brave pujada après La Grassa dau costat de Nòstra Dòmna del Carlat, e que m'era plantat rasis un potz beu e brave en peira sus lo suquet per me fregir e qu'aviá agut una genta vusda sus l'Abadiá e lo borg dins lo debas.

Lagrasse_30888_vue-lagrasse

E per achabar, chau dire que lo Camping de La Grassa en amon-naut de la ciutat, era ben plasent amb un  pitit sendareu per davalar e tornar montar ben asadolat dau sopar au restau de fin de permenada.

Quò es lo Camping Boucocers Bachandres (aquò ronfla aqueu nom !) de La Grassa

Ivon