Novena estapa : La Chartrosa - Pontgibaud
Divendres lo
30/04/10
Pueg de Doma (63)
GR 4 mai
escorciera vers Peschadoira
"Dès les
premiers pas de son parcours et vraisemblablement jusqu'aux derniers, il aura
emprunté un chemin tortueux hérissé d'obstacles, de préférence à une route
droite qui n'a pas l'attrait de l'imprévu, n'engendre tout au long, qu'un
insurmontable ennui."
Louis-René des
Forêts
De la Siola d’avau a la Siola mai en amont ; de la Chartrosa dau Port Santa Maria (lo passatge) a Pont Gibaud (Sigisvald lo nom dau fondator de la ciutat ?) e son chasteu .
Mas quò
es un monta-davala tot lo temps, un brisapè vertadier!
Sus lo GR una eglèisa meravilhosa dins lo borg pincat de Mont Fermin.
L’i vesem de las peiras tombalas,
daus chapitèus , una Verge a l’Enfant mai de las frescas originalas. Contan la
construccion de l’egleisa, la roinason dau chasteu, los mòrts de la pesta ;
diriatz una benda dessenhada (las explicacions dau libreton dins l’eglèisa, son
un pauc fantasiosas).
Sei pas sus la chaminada
populosa de Sant Jaume (totjorn degun aicí), mas totas aquelas egleisas
dubertas de l’Edat Mejana son de las pausas benvengudas. Lo temps s’aplanta sus
lo chamin de la vita. Dins un monde de “trabalhar mai, gasanhar mai e …traulhar
mai”, quò fai plaser de poder se pausar, chantar e migrar.
L’aiga pas tant suauda que davala, las gleisas en ponctuacion , la viá tòrta de la vita ; ai de que soschar.
Arribe a la broá
de la Combralha e veiquí lo país daus volcans, de las Cheiras.
Ultréia !
Ivon