Estapa 31 : Pont de Montverd - Còl del Bogès - Cassanhas
12/04/11
Lausera (48)
GR 70 – 72
« Dans ce labyrinthe inextricable de montagnes, une guerre de bandits, une guerre de bêtes féroces, fit rage pendant deux années entre le Grand Roi avec toutes ses troupes et ses maréchaux, d'une part, et quelques milliers de montagnards protestants, d'autre part. Il y a cent quatre-vingts ans, les Camisards tenaient un poste là même sur les Monts Lozère où je suis. »
Robert Louis Stevenson “Voyage avec un âne dans les Cévennes”
Laisse Pont de Montverd que l'i comencet en 1702, la revòlta daus Camisards (en chamisa) que tueron l'Abat du Chayla charjat de la repression catolica.
Vene dau Blaimard catolic. Lo paisatge chamnha la cultura e mai la religion.
Benleu que quela guerra contra la religion reiala de Paris era una ressorgida de la resisténçia a la crosada. Quò era un combat per la libertat de pensada.
Mas las tradicions occitanas (chants popularis, danças, biais de viure occitan) se son mielhs conservadas en país papiste qu'en país uganaud.
La bibla era en frances ; la confession au curat permet lo pechat e los protestants van benleu vers lo business per compensar ;)
En pujar vers lo Bogès vese totjorn daus bolets de granit e de la genesta cramada per endrech. Queu brusladis tradicionau era ben mestrejat per los ancians que coneissen los vents(quo era pas tròp compres per los fonctionaris dau Nòrd de las Aigas e Forests)
La terra es paubre e sus lo plateu s'espandit un pauc de prats per las auvelhas.
Rentre dins una jassa voutada amb una fenestra coma dins los chasteus medeviaus, pitiòta sus lo defore que s'eslarja a l'interior, per barrar lo passatge (au freg tanben) e laissar lo lum.
Lo sendareu s'achaba per una lonja davalada vers Cassanhas que l'i trobam daus chassanhs mas tanben lo prumiers chastanhs de la Cevenna meridionala.
Nosautres quand partissiam dau Blaimard vers la Provença, se plantàvem a chada còp davant Alès en bòrd de rota per far provision de chastanhas per l'ivern.
“Campatge dau Gilliau” agradiu, au Pont de Montverd en riba de Tarn
Ivon