Primièra etapa : Bossac - Lavaufrancha

“Las vacanças (las randonadas per ieu)

se vivon abans,

se vivon del moment que se debanan

e tanben après las vacanças”

J. L Boulin dins  « La Setmana »

lo 8/9/09

La Cruesa (23)

14H30

GR 41

“Non loin de Sainte-Sévère, on entre, par Boussac, dans le département de la Creuse. Mais, jusqu’à Toul-Sainte-Croix, quatre lieues au-delà, sur l’arête élevée des collines qui forment comme une limite naturelle aux deux provinces du Berry et de la Marche, on foule encore l’ancien sol berruyer. Les paysans parlent presque tous la langue d’oc et la langue d’oïl, et, dans sa sauvagerie marchoise, la campagne conserve encore quelque chose de la naïveté berrichonne.”

George Sand

L’Illustration 1847

Quò es la debuta de la trauchada vers lo sud.

Aviá pensat de me prener un car per me menar au començament dau GR.

Segur que sus lo site dau Conselh Generau, indicava un car escolar…

Per me menar, pas de car e tanben la gent dison qu’era pas possible de l’i montar.

Me sei leu avisat que trobariá en Cruesa pas de car ni tanpauc de trin per eschivar l’anar-venir. Sei oblijat de far una virada, una bocla …

Ieu tanben tene un beu baston qu’ai farrat a la poncha per m’ajudar dins la marcha mas tanben per me parar daus chens japaires e nhacaires. E sus lo dessús ai apondut una bossòla.

Jos lo pelegrin musicaire, bòte una chandela alumada per me sostener sus mon sendarel trauchador.

Fai chalor e lo cafetier me ditz que l’aiga fai fauta dins lo país.

Començe de davalar vers lo desbàs dau Chasteu e passe la Pitiòta Cruesa.

Me vire un darrier còp per mielhs espiar lo chasteu .

 

Quò es dins lo chasteu de Bossac que fuguet descuberta la tapissariá de la “Dòmna a l’unicorn”, tapissariá d’Aubusson,  que se tròba a l’ora d’aura au museu Cluni a Paris. Ne’n tornarai parlar a mon arribada a Chambon.

Ai botat sus lo chap una casqueta emb la crotz perlada e l’escusson d’Occitania sus lo sac.

Vau passar la frontiera de l’Occitania , assajarai de dire au monde rescontrat “adieusiatz, au reveire, plan mercés , si-os-platz, portatz vos ben…”

Un darier salut a la Dòmna a l’unicorn e m’enrote vers Lavaufrancha.

 En tut arribar de l’Ubac a Bossac, lo paisatge chambia

-tròbe la faugiera, lo chassanh lo chastanh -, se lemosinisa.

De las parets de peiras, de la cledas entra dos pilards de peiras e mai dins la pradas

de las vachas subretot charolesas blanchas, per lo moment, mas vese tanben un tropeu de lemosinas burelas.

Arribe a Lavaufrancha (lo femenin sona occitan) sens problema mas deve tornar a Bossac per la rota per tornar trobar ma veitura. Quò vai que l’i a gaire de circulacion mas tot parier, quo m’auria mai agradat un carri.

Arribat a Bossac m’engole dos pintons de cervesa ben frescha.

Quau plaser miladieus !

Ivon

Tecnica : GR 41 – Braves chamins granitics – un pauc de pitiòtas rotas – ostaus voides

Glanatge sus las broas : amoras – pomas a citre – cacaus – gratta-cuòus – prunelas

Parc emb taulas per minjar rasís lo chasteu.