Publiat en anglés e francés lo diari de viatge de
NOVITATS EDITORIALAS CHAMBRA D'ÒC LA TRAVERSÉE DE L'OCCITANIE / WALKING THROUGH OCCITANIA |
L'Occitània a Pè s'enrichís de publicacions.
Son já pareissuts:
- La guida dal chamin "L'Occitània a Pè: da las valadas occitanas en Piemont
a la Val d'Aran en Catalunya" curaa da Peyre Anghilante e Manuela Almonte.
- "Païsatges d'Òc: 42 images d'Occitània en chamin da Vinai a Vielha", de Riccardo Carnovalini.
- Lo diari de viatge de Manuela Almonte: "En chamin en Occitània" (trad. en occitan de Peyre Anghilante) - "In cammino in Occitania" (en italian) - "La traversée de l'Occitanie" (trad. en francés de Sèverine Petit) - "Walking through Occitania" (trad. en anglés de Manuela Miretti)
E tarda pas la publicacion de la novèla guida de L'Occitània a Pè de Roberta
Ferraris (abo fotografias de Riccardo Carnovalini) que sortirè en occitan, italian, francés, anglés e bènleu en catalan. Aurè una traça dal percors que polerè se descharjar da
www.chambradoc.it
Aqueste projèct creatiu de L'Occitània a Pè e l'apèl a l'UNESCO per "Lenga d'Òc patrimòni de l'umanitat" son estats presentats a Mouans Sartoux lo 29 e 30 d'avost a la XVème Université d'été promòugua da Régions e Peuples Solidaires, aquela formacion política que representa las comunitats culturalas e linguisticas e las regions istoricas dins lo respect de las minoritats, de l'autodeterminacion e dal federalisme.
Es curiós coma aquel projèct que d'en pertot entusiasma lo monde laissa tebles lhi
dirigents di moviments que pura conoisson grandas dificultat a idear de projècts condividuts, de fòrta coesion sociala e de respir internacional. Ma!!! Es parelh!
Nosautri continuem a portar anant nòstre trabalh per aquel chamin laïc dins lo còr
de l'Euròpa per aquilhi que lo vòlon far dubèrt a la conoissença d'un pòple, d'una lenga e d'una cultura.
L'aura fai son vir e bènleu un jorn crosiarè nòstre trabalh per lo portar en aut e l'esclarzir a tuchi, mesme ai bòrnhs.