Estapa 20 : Murat – Bredon – Alba Peira - Mons
Dissabte lo 03/07/10
Cantal (15)
GR 400 - 4
Lo chamin puja vers la gleisa romana de Bredon sus son tuquet
basaltic. Aquí, l'i chau paiar per dintrar ; quò fai que contunhe ma
rota.
Alba Peira, blancha peira qu'es pas de lava negra, es a
1000 metres de nautor amb son cafè restaurant epiçariá. Ciclistas mai
randonaires en davalar dau Plom dau Cantau, se pausan aquí.
Lo GR passa dins la Rocha Traucada (Roche Trocade) que l'i
passa la mia Trauchada. Trauchem tanben un isoglòsse (k, ch) qu'avia ja
trobat la « Borjada» (Bourjade) avant Murat mai lo Chastel de Murat.
Solelha que solelharas, quò me tapa lo chap e las nivols negras
arriban amb l'oratge. Sei sus la Planesa amb sos borgs endurmelats,
estanquets barrats e pas gaire d'aubres per s'assolombrar.
Ai lo sentiment que lo GR platz pas a quauquas personas que
lor embestian los randonaires . Pasmens nosautres, sem mens dangeros
d'a pè qu'a veitura. Quant de temps encara podrem nos permenar (sens
paiar !) sus los chamins de campanha e tanben randonar tot solet lonh
de la tropelada.
Barraquen a venir un pauc tròp « wild » ?
Ivon