Estapa 21 : Mons – Sant Flor – Sant Jòrdi

Dimars lo 03/08/10

Cantal (15)

GR 4

“- Lo conte que jamai n’acaba!...

- Òc ! La feda negra que cada cent ans torna dins l’estable…”

Joan Bodon – Lo libre dels grands jorns

Un còp i aviá lo Drac. Lo Drac èra lo filh del diable...

Joan Bodon – L’enfant polit

 Pus de montadavalas per lo moment ; quò me permet de soschar e de revisar los chants e las vidas daus trobadors.

 Arribe au chasteu polit dau Salhant sus un bauç que salha ben sus la valada e contunhe vers Sant Flor que l’i arribe per lo nòrd jos lo tuquet basaltic. La ciutat a un biais de vialatge de l’encontrada de Niça. La soa catedrala negra es la pus nauta d’Europa. Me plante per beure un còp au Sant Flor dau debas que la tenenciera rana contra las animacions de la Ciutat Nauta ; mas tot parier en bas, quò es mai populari e avivat.

   Contunhe vers Sant Jòrgi sus son piton basaltic miegjornau (teuladas rojas e piniers maritimes) puei davale e torne montar sus lo vialatge de Sant Micheu.

   Los dos Sants s son suventas vetz boirats. Sant Jordi, un sodard de legenda terrasa lo dragon alaidonc que Sant Micheu, l’archànjel amb sas alas, esbolha lo diable. Dins lo conte “l’enfant polit” de Bodon (contat a l’Ostal Joan Bodon), lo Diable/Drac ven drac(g)ons per embestiar lo monde.

http://www.youtube.com/watch?v=G1wChRqIZm8

 Au mesma endrech, una voelha negra s’eschapa et torna dans l’enclòs en passar jos lo fiau electric mercés a sa lana secha isolanta.

   Quò era una estapa bodonenca… un escrivan que m’agrada fòrça. 

Puei torne au campatge de la Ciutat Nauta per “Lo chamin de las chabras”.

Ivon

Tecnica :

- Au lotejadis de Sant Jòrdi prener lo chamin de terra a drecha

- Campatge municipau “Los Òrgues” sus lo tuquet de Sant Flor.

(per un còp lonh de l’aiga amb una vusda genta)